Qurban Qurbanov: “Bir neçə variant üzərində hazırlaşmışıq”

17:01 6 Noyabr 2019

Avropa Liqasının qrup mərhələsinin 4-cü turunda Kiprdə APOEL-lə qarşılaşacaq “Qarabağ”ın baş məşqçisi Qurban Qurbanov hava limanında jurnalistlərə açıqlamasında oyunla bağlı fikirlərini bölüşüb.

 

Sportarena.az xəbər verir ki, 47 yaşlı mütəxəssis vacib oyuna ciddi hazırlaşdıqlarını bildirib:

 

“Mütləq bu oyunda dəyişiklik etmək istəyirik. Bu, həm heyət, həm də oyun baxımından ola bilər. Bir neçə variant üzərində hazırlaşmışıq. Oyunun gedişindən çox şey asılı olacaq. Bu il demək olar ki, APOEL-lə son oyundur. Bir rəqiblə məsuliyyətli tunirlərdə bu qədər qarşılaşmaq asan deyil. Çox ciddi hazırlaşmışıq. Bu oyun bizim üçün çox vacibdir. Xayme Romeronun ümumi durumu pis deyil. 90 dəqiqə meydanda olması bir o qədər də gözlənilmir. Matçın iştirak ərizəsində olacaq və meydana çıxmaq ehtimalı çoxdur”.

 

APOEL – “Qarabağ” oyunu sabah Nikosiyadakı GSP stadionunda keçiriləcək. Matçın start fiti Bakı vaxtı ilə 21:55-də səslənəcək.


Digər xəbərlər

Xəbər xətti