Bu gün Avropanın yaşıl meydanlarında milli komandaların iştirakıyla keçirilən oyunlar davam edəcək.
Sportarena.az xəbər verir ki, Azərbaycan millisi meydana çıxmasa da, bu günkü qarşılaşmalarda azərbaycanlı imzası olacaq.
Belə ki, Avro-2020-nin seçmə mərhələsi çərçivəsində Ta Qalidəki Milli stadionda keçiriləcək Malta – Norveç oyununu FIFA referisi Əliyar Ağayev idarə edəcək. Onun köməkçiləri Zeynal Zeynalov və Akif Əmirəli olacaq.
Dördüncü hakim funksiyasını Rauf Cabarov yerinə yetirəcək.