Yanvarın 12-də təlim-məşq toplanışı üçün Antalyaya gedəcək "Sumqayıt"ın keçirəcəyi yoxlama görüşlərindəki daha bir rəqibi müəyyənləşib.
Sportarena.az klubun rəsmi saytına istinadən xəbər verir ki, Ayxan Abbasovun rəhbərlik etdiyi komanda son yoxlama matçında Qazaxıstan "Şaxtyor"u ilə qarşılaşacaq.
Karaqanda təmsilçisi ilə oyun yanvarın 25-də keçiriləcək. "Sumqayıt" klubu bu oyunun ertəsi günü vətənə qayıdacaq.
Qeyd edək ki, "gənclər şəhəri" təmsilçisi bu oyuna qədər Macarıstanın "Kaposvar" (14 yanvar), Rumıniyanın "Politexnika İaşi" (17 yanvar), Polşanın "Arka" (21 yanvar) klubları ilə üz-üzə gələcək.