Bakının “Neftçi” klubunun futbolçusu Baqali Dabo Premyer Liqada 40-cı qolunu vurub.
Sportarena.az xəbər verir ki, fransalı hücumçu yubiley qoluna XVIII turun “Qəbələ” ilə səfər matçında (2:0) imza atıb. Ölkə çempionatında 2016/17 mövsümündə debüt edən forvard 40-cı qolunu 82-ci matçında vurub.İki mövsüm oynadığı “Qəbələ”də 43 oyuna 20 dəfə fərqlənən Baqali sabiq klubunun qapısına yol tapmaqla “Neftçi”dəki qol sayını da 20-yə çatdırıb. O, paytaxt klubunda 39-cu matçda bunu bacarıb.
|
mövsüm |
klub |
oyun |
qol |
|
2016/17 |
Qəbələ |
16 |
7 |
|
2017/18 |
Qəbələ |
27 |
13 |
|
2018/19 |
Neftçi (Bakı) |
26 |
14 |
|
2019/20 |
Neftçi (Bakı) |
13 |
6 |
|
Cəmi |
2 klub |
82 |
40 |
Dabo Azərbaycan çempionatları tarixində 40 və daha çox qol vuran 58-ci oyunçudur. O, bombardirlər siyahısında Fernando Peres, Junivan Suares, Mehman Allahverdiyev, Samir A. Məmmədov ilə 54-58-ci yerləri bölüşür.
Baqali “Neftçi”nin tarixində Premyer Liqada 20 və daha çox qol vuran 20-ci futbolçudur. O, bu göstəricidə Leonid Kalfaya çatıb.