Madrid "Atletiko"sunun Bakıya ilk səfərindən 7 il keçir.
2013-cü ilin məhz 30 aprelində "Atletiko" "Bakı" klubunun prezidenti Hafiz Məmmədovun dəvəti ilə paytaxtımıza gəlmiş və yalnız milli oyunçulardan təşkil olunmuş "Azerbaijan all stars" komandası ilə yoldaşlıq oyunu keçirmişdi. Matç ispanların 3:0 hesablı qələbəsi ilə bitmişdi.
Həmin səfərdə də, indi də "Atletiko"nun baş məşqçisi olan Dieqo Simeone isə 2 gün əvvəl 50 illik yubileyini qeyd etdi. Tanınmış telejurnalist İlkin Fikrətoğlu sportinfo.az saytı üçün "El Çolo" (Hindu) ləqəbli məşqçinin karyerasından bəhs edən videosüjet hazırlayıb. Həmin videosüjeti təqdim edirik.