ABŞ-ın “Los Angeles Galaxy” futbol klubunun rəhbərliyi COVID-19 pandemiyası ilə mübarizəyə diqqət çəkmək üçün maraqlı aksiya keçirib.
Sportarena.az xəbər verir ki, rəhbərlik bir vaxtlar klubun formasını geyən məşhur ingiltərəli yarımmüdafiəçi Devid Bekhemin Los-Anceles şəhərində ucaldılmış abidəsinə maska taxıblar. “Əla, David Bekhem”, - klubun “Instagram” səhifəsində yerləşdirilən fotoya şərhdə belə yazılıb. Maskanın üzərində “Los Angeles Galaxy” klubunun loqosunun təsviri var.
Qeyd olunur ki, aksiya insanların COVID-19 pandemiyası zamanı təhlükəsizlik tədbirlərindən istifadə etmələrini təşviq etmək üçün düşünülüb. (oxu.az)
