“Lokomotiv” Syomini göndərdi

03:22 15 May 2020

Rusiyanın “Lokomotiv” klubunda baş məşqçi dəyişikliyi olub.

 

Sportarena.az xəbər verir ki, Moskva təmsilçisi Yuri Syominlə yollarını ayırmağa qərar verib.Bu barədə paytaxt klubunun rəsmi saytı məlumat yayıb. Artıq “Lokomotiv”in yeni baş məşqçisi də məlumdur. Klubun idarə heyəti Syomini Marko Nikoliçlə əvəz edib. Onunla müqavilənin müddəti açıqlanmayıb. Serbiyalı məşqçinin işinə gələn ayın – iyunun 1-dən etibarən başlayacağı diqqətə çatdırılıb.

 

Qeyd edək ki, 40 yaşlı Nikoliç məşqçilik karyerası ərzində daha çox öz ölkəsinin klublarında çalışıb. O, Sloveniyada “Olimpiya” (Lyublyana) və Macarıstanda “Fehervar” klubunun da baş məşqçisi olub.

 

Sonda onu da xatırladaq ki, 2016-cı ildən “Lokomotiv”ə rəhbərlik edən Yuri Syomin, 2013/14 mövsümündə “Qəbələ”nin də baş məşqçisi olub.


Xəbər xətti