Fransa çempionatında yeni mövsümün nə vaxt başlayacağı məlum olub.
Sportarena.az xəbər verir ki, Liqa 1-in 22 avqustda başlaması planlaşdırılır. Liqa 2-də isə mövsümün ilk matçı sözügedən tarixdən bir gün sonra oynanılacaq.
Fransa Peşəkar Futbol Liqası (LFP) təqvimi təsdiqləmək üçün UEFA İcraiyyə Komitəsinin iyunun 17-də keçiriləcək və Çempionlar Liqasının oyunlarının tarixlərinin müəyyənləşəcəyi iclasın nəticəsini gözləyir.
Qeyd edək ki, koronavirus pandemiyası səbəbindən Fransada 2019-20 mövsümü erkən başa çatıb.