“Ayaks”ın yarımmüdafiəçisi Donni van de Bek “Mançester Yunayted”lə müqavilə imzalayıb.
Sportarena.az xəbər verir ki, bu barədə klubun rəsmi saytında məlumat verilib. 23 yaşlı hollandla müqavilə 5 il müddətinə nəzərdə tutulub. Onun daha bir il uzadılma imkanı var.
2019/20 mövsümündə van de Bek “Ayaks”da 37 matç keçirib, onun hesabında 10 qol və 11 nəticəli ötürmə var. Daha əvvəl “Mançester Yunayted”in holland üçün 40 milyon avro ödəcəyi barədə xəbər verilirdi.