Milli komandaların oyunları ilə əlaqədar Azərbaycan Premyer Liqasında yaranan fasilədən istifadə edən "Səbail" və "Sabah" öz aralarında yoxlama oyunu keçirib.
Sportarena.az "Səbail"in "Feysbuk" səhifəsinə istinadən xəbər verir ki, oktyabrın 11-i "Bank Respublika Arena"da keçirilən görüş saat 16:00-da başlayıb və oyun 0:0 hesabı ilə yekunlaşıb.
Qeyd edək ki, "Sabah" ölkə çempionatında 6 xalla 5-ci, "Səbail" 3 xalla 8-cidir.Bu komandalar arasında Premyer Liqanın 4-cü turunda keçirilən matçda "Səbail" 2:1 hesabı ilə qalib gəlib.