Erməni boksçunun təxribatına görə təşkilatçılara müraciət edildi

Sportarena.az      13 Oktyabr 2020 , 12:28

Azərbaycan Peşəkar Boks Federasiyası erməni boksçu Oqanes Baçkovun döyüş zamanı rinqdə etdiyi separatçı hərəkətlərlə əlaqədar yarışın təşkilatçılarına müraciət ünvanlayıb.

 

Sportarena.az xəbər verir ki, bu barədə "Report"a Gənclər və İdman Nazirliyinin Mətbuat katibi Səmayə Məmmədova məlumat verib.

 

Baçkov rinqə qondarma "Dağlıq Qarabağ respublikası”nın "mahnı"sı ilə çıxıb, sonda isə üzərində qondarma rejimin "xəritə"si olan köynək geyinib.

 

Azərbaycan Peşəkar Boks Federasiyasının birinci vitse-prezidenti Fərhad Acalov eyni mənbəyə açıqlamasında məsələ ilə bağlı araşdırma apardıqlarını söyləyib.

 

Onun sözlərinə görə, sözügedən döyüş gecəsi oktyabrın 9-da Birləşmiş Ərəb Əmirliklərinin Dubay şəhərində gerçəkləşib: "Turnir "D4G promotion" və "MTK Global Promotion" ilə birgə təşkil olunub. Bu məsələ ilə bağlı onlara müraciət edilib".

 

Qeyd edək ki, Oqanes Baçkov venesuelalı Samuel Qonsaleslə döyüşə Ermənistan bayrağı ilə çıxıb, lakin qələbə qazandıqdan sonra qondarma "Dağlıq Qarabağ respublikası”nın "xəritə"si olan köynək geyinib.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin