“Yuventus”un ulduzu Kriştianu Ronaldo “Barselona”ya 3:0 hesabı ilə qalib gəldikləri matçdan sonra açıqlama verib.
Sportarena.az xəbər verir ki, o, katalonların ulduzu Lionel Messi haqqında danışıb.
Portuqaliyalı futbolçu bildirib ki, argentinalı ilə yaxşı münasibətləri var və onların bir-birinə düşmən rəqib olması yalnız media tərəfindən şişirdilir: “12-13 ildir ki, Messi ilə birlikdə müxtəlif mükafatlandırma mərasimində iştirak etmişik. Leonu heç vaxt özümə rəqib görməmişəm. Hər şey media tərəfindən şişirdilir. Bizim yaxşı münasibətlərimiz var, bunu Messidən də soruşa bilərsiniz”.