Bu gün futbol üzrə UEFA Çempionlar Liqasında 1/8 final mərhələsinin daha iki oyunu keçiriləcək.
Sportarena.az xəbər verir ki, hər iki qarşılaşmaya eyni saatda start veriləcək.İtaliyanın “Yuventus” klubu Portuqaliyada “Portu” ilə qarşılaşacaq. Qonaqların heyətində Xuan Kuadrado və Arturla yanaşı, Leonardo Bonuççi və Paulo Dibala da zədəli olduqları üçün oynaya bilməyəcək. Meydan sahiblərindən isə Məhəmməd Mbaye və Nanu eyni səbəbdən matçı buraxacaq.
Gecənin digər görüşü İspaniyada baş tutacaq. Burada Almaniyanın “Borussiya” (Dortmund) komandası Avropa Liqasının son qalibi "Sevilya"nın (İspaniya) qonağı olacaq.
Qeyd edək ki, 1/8 final mərhələsinin ilk oyun günündə PSJ (Fransa) səfərdə "Barselona"nı (İspaniya) 4:1, "Liverpul" (İngiltərə) isə "Leypsiq"i (Almaniya) 2:0 hesabı ilə məğlubiyyətə uğradıb.
UEFA Çempionlar Liqası
1/8 finalın ilk oyunları
17 fevral
00:00. “Portu” (Portuqaliya) - “Yuventus” (İtaliya) 2:1
Portu, “Draqau”. Baş hakim: Karlos del Serra (İspaniya)
00:00. “Sevilya” (İspaniya) - “Borussiya” (Dortmund, Almaniya) 2:3
Sevilya, “Ramon Sançes Pisxuan”. Baş hakim: Danni Makkeli (Niderland)