Bu gün futbol üzrə qadınlardan ibarət Azərbaycan millisi Avropa çempionatının seçmə mərhələsində sonuncu oyununu keçirib.
Sportarena.az xəbər verir ki, Siyasət Əsgərovun baş məşqçi olduğu komanda Moldova seçməsini qəbul edib və 1:0 hesabı ilə qalib gəlib.
Son oyunda İspaniya seçməsinə 0:13 hesabı ilə uduzan yığma D qrupunda xal qazana bilməyib və sonuncu - 5-ci pillədə qərarlaşıb. Yalnız Azərbaycan millisini məğlub edən Moldova isə 3 xalla 4-cü sıradadır. Qrupun digər qarşılaşmasında İspaniya Polşanı sınağa çəkəcək.
Qeyd edək ki, millimizin son qələbəsi isə 2009-cu il oktyabrın 28-də qeydə alınıb. 11 il 4 ay öncəki matçda yığmamız Uelsi 2:1 hesabı ilə yenib.