Rəcəbov və Məmmədyarov Çempionlar Turunda

Sportarena.az      9 Mart 2021 , 14:52

Dünya çempionu Maqnus Karlsenin təşkil etdiyi Çempionlar Turunun 4-cü mərhələsində iştirak edəcək şahmatçıların adları açıqlanıb.

 

Sportarena.az xəbər verir ki, turnirdə 16 şahmatçının iştirak nəzərdə tutulub. Bunlardan 14-nün adı artıq məlumdur. Azərbaycanı Teymur Rəcəbov və ilk dəfə Şəhriyar Məmmədyarov təmsil edəcək.

 

Digər iştirakçılar Maqnus Karlsen (Norveç), Yan Nepomnyaşi, Sergey Karyakin, Daniil Dubov (hər üçü Rusiya), Aniş Giri, Yorden Van Forest (hər ikisi Niderland), Uesli So, Hikaru Nakamura (hər ikisi ABŞ), Maksim Vaşye-Laqrav (Fransa), David Anton (İspaniya), Levon Aronyan (Ermənistan), Alireza Firuzcadır (FIDE).

 

Digər 2 şahmatçı isə Nils Qrandelius (İsveç), Aryan Tari (Norveç), Alan Piçot (Argentina) və Maks Varmerdamın (Niderland) iştirakı ilə bu gün keçiriləcək təsnifat yarışından sonra bəlli olacaq.

 

İlkin mərhələ oyunları 13-15 martda, 1/4 final görüşləri 16-17 martda, yarımfinallar 18 - 19 martda, final partiyaları isə 20-21 martda gerçəkləşəcək.

 

Qeyd edək ki, martın 13-də start götürəcək əsas mərhələnin ümumi mükafat fondu 220 min ABŞ dollarıdır. Qalib şahmatçı 60 min, finalçı 40 min, 3-cü yerin sahibi isə 25 min ABŞ dolları qazanacaq.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin