Çempionlar Liqasında 1/8 final mərhələsinə yekun vurulub.
Sportarena.az xəbər verir ki, son oyun günündə daha iki görüş keçirilib. "Çelsi" öz meydanında "Atletiko"nu qəbul edib. "Zadəganlar" 2:0 hesablı qələbə qazanıb. Komandalar arasında keçirilən ilk oyunda London klubu 1:0 hesabı ilə qalib gəlib. Beləliklə, "Çelsi" növbəti mərhələyə adlayıb.
Digər oyunda isə turnirin son qalibi "Bavariya" evdə "Latsio" ilə qarşılaşıb. Münhen təmsilçisi rəqibini 2:1 hesabı ilə məğlub edib. Səfərdə keçirilən ilk görüşdə Almaniya klubu İtaliya təmsilçisinə 4:1 hesabı ilə qalib gəlib. Bununla da "Bavariya" gözlənildiyi kimi 1/4 finala adını yazdırıb.
Çempionlar Liqası
1/8 final, cavab oyunları
00:00. "Çelsi" (İngiltərə) - "Altetiko" Madrid (İspaniya) - 2:0
Qollar: Ziyex, 34, Emerson, 90+4
İlk oyun - 1:0
00:00. "Bavariya" (Almaniya) - "Latsio" (İtaliya) - 2:1
Qollar: Levandovski, 33 pen (1:0), Motinq, 73 (2:0), Parolo, 82 (2:1)
İlk oyun - 4:1