"Oyunu qol buraxmadan bitirmək istəyirdik" - Serbiya millisinin baş məşqçisi

Sportarena.az      31 Mart 2021 , 01:17

"Çətin oyun olacağını gözləyidik. Müdafiəçilərimizdən isə bu səhvləri gözləmirdik. Oyunu qol buraxmadan bitirmək istəyirdik. Rəqibə geridönüş üçün şans yaratmışdıq. Amma vəziyyəti düzəldə bildik".
 

Sportarena.az xəbər verir ki, bu sözləri Serbiya milli komandasının baş məşqçisi Draqan Stoykoviç DÇ-2022-nin seçmə mərhələsində Bakıda millimizə 2:1 hesabı ilə qalib gəldikləri oyundan sonra keçirilən mətbuat konfransında deyib.

 

56 yaşlı mütəxəssis millimizin asan rəqib olmadığını bildirib: “Azərbaycan təhlükəli komandadır, onların bizə çətinlik yaradacağını vurğulamışdım. Əks-hücumdan bizi cəzalandıra bilərdilər. Hesab 1:1 olduqdan sonra işimiz çətinləşdi. Ancaq meydandan 3 xalla ayrılmağı bacardıq”.


O, Bakı haqqında da təəssüratlarını bölüşüb: "Ailəmlə bura turist kimi yenidən gəlmək fikrim var. Bakı gözəl şəhərdir, sonuncu dəfə bura 2003-cü ildə gəlmişdim. Amma o dönəmdəki şəhərdən əsər-əlamət qalmayıb. Ümid edirəm yenə gələcəyəm".

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin