“Zirə”nin hücumçusu Ruslan Qurbanovda koronavirus aşkarlanıb.
Sportarena.az xəbər verir ki, bu barədə komandanın baş məşqçisi Rəşad Sadıqov məlumat verib. O, Azərbaycan Premyer Liqasının 24-cü turu çərçivəsində “Sumqayıt”a qarşı keçirdikləri oyundan sonra baş tutan mətbuat konfransında Ruslanın COVİD-19 testinin pozitiv çıxdığını bildirib.
Hücumçunun test nəticəsi 2 gün öncə müsbət çıxıb. Millimizin sabiq üzvü karantinə alınıb.