"Leyptsiq" yeni baş məşqçisinin adını açıqlayıb.
Sportarena.az xəbər verir ki, Bundesliqa təmsilçisini bu mövsüm başa çatdıqdan sonra "Zalsburq"un (Avstriya) baş məşqçisi Cessi Marş çalışdıracaq. Amerikalı mütəxəssislə 2023-cü ilin iyununa kimi müqavilə imzalanıb. O, iyulda "Bavariya"ya keçəcək Yulian Naqelsmannı əvəzləyəcək.
Qeyd edək ki, Marş 2019-cu ildən "Zalsburq"da işləyir. 47 yaşlı mütəxəssis bundan əvvəl "Leyptsiq"də baş məşqçinin köməkçisi vəzifəsində çalışıb.