“Borussiya”nın futbolçusu karyerasını bitirdi

Sportarena.az      29 Aprel 2021 , 16:33

Futbol üzrə Polşa millisinin sabiq üzvü, hazırda Almaniyanın “Borussiya” (Dortmund) klubunda forma geyinən Lukaş Pişek karyerasını başa vurub.

 

Sportarena.az xəbər verir ki, bu barədə Bundesliqa təmsilçisinin rəsmi saytı məlumat yayıb. Polşalı müdafiəçi 35 yaşında futbolla vidalaşıb. Təcrübəli oyunçu əslində karyerasını ötən mövsüm bitirmək istəsə də, sonradan klubun 1 illik yeni müqavilə təklifini qəbul etmişdi. O, bu mövsüm Bundesliqada cəmi 9 oyunda iştirak edib.

 

Pişek yayda atasının vitse-prezident olduğu Polşanın “Qoçalkovitse” klubuna qayıdacaq və fəaliyyətini 2019-cu ildə açdığı futbol akademiyasında davam etdirəcək.

 

Qeyd edək ki, Polşa millisinin heyətində 66 oyun keçirmiş Pişek 3 qol vurub. O, 2010-cu ildən “Borussiya”nın uğurları üçün çalışırdı. Müdafiənin həm mərkəzində, həm də sağında oynamağı bacaran futbolçu, Dortmund klubu ilə 2 dəfə Almaniya çempionu olub. O, Almaniya kubokunda və superkubokda da iki dəfə qalibiyyət sevinci yaşayıb. Pişek karyerası ərzində Almaniyanın “Herta” və Polşanın “Zaqlenbe” komandalarının da uğurları üçün çalışıb.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin