“Mançester Yunayted” - “Liverpul” matçı təxirə salındı

Sportarena.az      3 May 2021 , 01:18

Futbol üzrə İngiltərə Premyer Liqasında 34-cü turun “Mançester Yunayted” - “Liverpul” oyunu təxirə salınıb.

 

Sportarena.az xəbər verir ki, buna Mançesterdə yerli azarkeşlərin törətdiyi ixtişaşlar səbəb göstərilib. Belə ki, “Mançester Yunayted” fanatları rəhbərliyə etiraz əlaməti kimi şəhərdə etiraz aksiyaları keçiriblər. Onların aksiyası “Old Trafford” stadionunun önündə başlasa da, sonradan fanatların bir hissəsi arenanın içərisinə soxulub.

 

“Mançester Yunayted” klubu baş verənlərlə əlaqədar rəsmi açıqlama yayıb. Xəbərdə yerli polis, Premyer Liqa və “Old Trafford” rəhbərliyi ilə müzakirələrdən sonra oyunun ertələnməsinin məqsədəuyğun hesab olunduğu diqqətə çatdırılıb.

 

Hələlik matçın nə vaxt keçiriləcəyi məlum deyil. Halbuki, bu görüş İngiltərə çempionunun müəyyənləşməsi baxımından önəmli idi. “Mançester Yunayted” bu oyunda uduzsaydı, “Mançester Siti” sona 4 tur qalmış Premyer Liqanın qalibi olacaqdı. 

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin