Futbol üzrə İngiltərə Premyer Liqasında 37-ci tura start verilib.
Sportarena.az xəbər verir ki, ilk oyun günündə dörd qarşılaşma baş tutub. “Mançester Yunayted” doğma meydanda “Fulhem”i qəbul edib. Bu oyunda qalib müəyyənləşməyib.
Çempion “Mançester Siti”nin bu turdakı rəqibi “Brayton” olub. Beş qolun qeydə alındığı oyun “şəhərlilər”in məğlubiyyəti ilə başa çatıb.
Turnir cədvəlinin 3-cü pilləsində yer alan “Çelsi” doğma meydanda “Lester Siti” ilə qarşılaşıb. Komandalar bir neçə gün əvvəl İngiltərə Federasiya kubokunun finalında üz-üzə gəlmişdilər və “Lester Siti” minimal hesabla qələbə qazanmışdı – 1:0. Bu oyunda isə London təmsilçisi doğma meydanda çətin qələbəyə sevinib.
İngiltərə Premyer Liqası
37-ci tur
Mançester Yunayted – Fulhem 1:1
Qol: Kavani, 15 – Brayan, 76.
Sauthempton – Lids 0:2
Qol: Bamford, 73. Roberts, 90+5.
Brayton – Mançester Siti 3:2
Qol: Trossard, 50. Uebster, 72. Bern, 76 – İ.Gündoğan, 2. Foden, 48.
Çelsi – Lester Siti 2:1
Qol: Rudiger, 47. Jorjinyo, 66-pen – İheanaço, 76.