Mövlud Çavuşoğlu: "Azarkeşlər Qarabağın kimə aid olduğunu xatırlatdılar"

Sportarena.az      28 May 2021 , 13:45

"Milli komandanın mənim şəhərimdə yoxlama matçı oynaması bizi məmnun etdi. Yaxşı yoxlama görüşü oldu. Azərbaycan millisi yaxşı təsir bağışladı. Onlar mübarizə aparan komandadır. Milli komandamız ümid edirəm ki, Avropa çempionatında əvvəlcə qrupdan çıxıb, sonra çempionluğa doğru irəliləyəcək. Şenol Günəşin rəhbərliyi altında millimizə güvənirəm".

 

Sportarena.az xəbər verir ki, bu sözləri Türkiyənin xarici işlər naziri Mövlud Çavuşoğlu Azərbaycan millisi ilə yoxlama oyunundan (2:1) sonra jurnalistlərə açıqlamasında deyib.

 

O, hər iki komandanın yaxşı təsir bağışladığını söyləyib: "Bir millət, iki dövlətə yaraşan hazırlıq matçı oldu. Avropa çempionatında bəzi matçlarımızı Azərbaycanda oynayacağıq. Qardaş Azərbaycanın millimizə düşərli olacağına inanırıq.

 

Bu gün az sayda azarkeş var idi. Xüsusilə, alanyalı azarkeşlərə təşəkkür edirik. Həm Türkiyə, həm də Azərbaycanın lehinə şüarlar səsləndirdilər. Təbii ki, siyasəti idmana qarışdırmırıq. Amma millətimizin duyğuları həm Azərbaycana, həm də Türkiyəyə yüksək dərəcədədir. Azarkeşlər Qarabağın kimə aid olduğunu gözəl şəkildə xatırlatdılar". 

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin