Avro-2020-də 1/8 finalçılar müəyyənləşdi

Sportarena.az      24 İyun 2021 , 02:43

Avro-2020-də qrup mərhələsinə yekun vurulub.

 

E və F qrupunda keçirilən oyunlardan sonra bütün 1/8 finalçılar müəyyənləşib. E qrupunda İspaniya Slovakiya ilə qarşılaşıb və rəqibini darmadağın edib - 5:0. E qrupunun digər matçında İsveç Polşa ilə üz-üzə gəlib və 3:2 hesabı ilə qalib gəlib. Bu nəticələrdən sonra İsveç 7 xalla qrup 1-cisi, İspaniya isə 5 xalla qrup 2-cisi kimi 1/8 finala yüksəlib.

 

Slovakiya isə 3 xalla qrup 3-cüsü olub. Yığma digər qrupların 3-cü pillədə yer alan milliləri müqayisədə top fərqinə görə geri qaldığı üçün turnirlə vidalaşıb. Polşa da 1 xalla sonuncu yerlə turnirdə mübarizəni dayandırıb.

 

“Ölüm qrupu” sayılan F qrupunda isə Fransa pley-offa vəsiqəni əvvəldən təmin etmişdi. Digər 3 komandanın 1/8 finala çıxmaq şansı var idi. Almaniya Münhendə Macarıstanla qarşılaşıb. Oyunun gedişində macarlar iki dəfə hesabda irəli çıxsalar da, almanlar möcüzəyə imkan verməyib. Görüş 2:2 hesabı ilə başa çatıb. Portuqaliya isə Fransa ilə matçda heç-heçə edib - 2:2. Bu nəticələrdən sonra Almaniya və Portuqaliya da pley-offa yüksəlib. Macarıstan millisi isə 2 xalla qrup sonuncusu olub və turnirlə vidalaşıb.

 

Beləliklə, İtaliya, Uels, Belçika, Danimarka, Niderland, Avstriya, İngiltərə, Xorvatiya, İsveç, İspaniya, Fransa, Almaniya milliləri qrupda ilk iki yeri tutmaqla, İsveçrə, Ukrayna, Çexiya və Portuqaliya yığmaları isə ən yaxşı 3-cü yerin sahibi kimi 1/8 finala yüksəlib.

 

Avro-2020

3-cü tur


F qrupu

Almaniya - Macarıstan - 2:2
Qol: Szalay, 11 (0:1), Havertz, 66 (1:1), Şafer, 68 (1:2), Qoretska, 83 (2:2)
Baş hakim: Sergey Karasyov (Rusiya)
Münhen. “Allyans Arena”

Portuqaliya – Fransa - 2:2
Qol: Ronaldo, 31-pen. (1:0), Benzema, 45+2-pen. (1:1), 47 (1:2), Ronaldo, 60-pen. (2:2)
Baş hakim: Antonio Mateu Lahoz (İspaniya)
Budapeşt. “Puşkaş Arena”

 

E qrupu

Slovakiya – İspaniya - 0:5
Qollar: Dubravka, 30-avtoqol, Emerik Lyaport, 45+3, Pablo Sarabiya, 56, Ferran Torres, 67, Kuçka, 71-avtoqol
Reallaşdırılmayan penalti: Alvaro Morata, 12 (İspaniya) - qapıçı
Baş hakim: Byörn Kuypers (Niderland)
Sevilya. “Kartuya” stadionu

 

İsveç - Polşa - 3:2
Qollar: Forsberq, 2 (1:0), 59 (2:0), Levandovski, 61 (2:1), Levandovski, 84 (2:2), Klaesson, 90+4 (3:2)
Baş hakim: Maykl Oliver (İngiltərə)
Sankt-Peterburq. “Sankt-Peterburq” stadionu  

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin