Türkiyədə yeni mövsümdən idman yarışları azarkeşlərlə keçiriləcək.
Bunu qardaş ölkənin səhiyyə naziri Fəxrəddin Qoca jurnalistlərə açıqlamasında deyib.
O, idman yarışlarının müəyyən sayda tamaşaçı ilə keçiriləcəyini bildirib. Bu isə o deməkdir ki, avqustun 13-də start götürəcək Superliqanın oyunlarına da azarkeşlər buraxılacaq.
Qeyd edək ki, pandemiya səbəbindən ötən mövsüm dünyanın əksər yerlərində olduğu kimi, Türkiyədə də idman yarışları azarkeşsiz keçirilib.