Tufandağda alpinistlərin xatirəsinə qoyulan bürünc lövhə oğurlandı - FOTO

Sportarena.az      21 İyul 2021 , 16:02

Bir neçə il öncə Tufandağdakı qar uçqununda həlak olmuş alpinistlərimiz Fəridə Cəbrayılzadə, Babur Hüseynov və Namin Bünyatovun xatirəsinə quraşdırılmış lövhə oğurlanıb.

 

Bu barədə "Gilavar" Hava və Ekstrim İdman Klubunun üzvü Ramin Hüseynzadə bildirib:

 

"Bu gün xəbər tutdum ki, Tufandağın şimal ətəyindəki Mahmuddərə ərazisində qayaya vurulmuş həmin lövhə ordan oğurlanıb. Bu xəbər mənə çox pis təsir etdi, cəmiyətimizdə ölülərə, qəbirlərə, xatirə yerlərinə, abidələr həmişə hörmət vardı, lövhəni quraşdıranda bu cür barbarlıqla rastlaşa biləcəyimizi ağlımıza belə gətirmədik.

 

Bu gün bu inam sarsıldı, təəssüf ki.

 

Lövhə bürüncdən hazırlanmışdı, çox güman ki, metal yığan məntəqələrə satılıb və ya satılacaq. Tapılsa, onu metal məntəqədən pulu ilə alıb yenidən yerinə quraşdırmaq istərdik. Xahiş edirəm bu məlumatı yayın ki, bunu edən şəxs görüb utansın və lövhə tapılıb yerinə qaytarılsın”.

 

R.Hüseynzadənin sözlərinə görə, lövhə quraşdırılan ərazi əlçatmaz bir yer deyil: "Milli parkın ərazisidir, orda çoban yataqları da var, alpinist və dağ turistlərinin getdiyi yolların üstüdür".

 

Xatırladaq ki, 2017-ci il dekabrın 23-də "Gilavar" Hava və Ekstrim İdman Klubunun üzvləri Fəridə Cəbrayılzadə, Babur Hüseynov və Namin Bünyatov  Quba rayonunun Xınalıq kəndindən Tufandağı istiqamətində yürüşə çıxaraq geri qayıtmayıblar. Qar uçqununa düşən alpinistlərin nəşi uzunmüddətli axtarışlardan sonra tapılaraq dəfn edilmişdi. (fanat.az)

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin