İspaniyanın "Barselona" klubunda yeni müqavilə qeydə alınıb.
Kataloniya təmsilçisi gənc müdafiəçi Alexandro Balde ilə yeni sözləşmə imzalayıb.
Klubun rəsmi saytının yaydığı məlumata görə, 17 yaşlı sol cinah müdafiəçisinin müqaviləsi 2024-cü ilədək uzadılıb. Futbolçunun sərbəst qalmaq məbləği 500 milyon avro təyin edilib.
Qeyd edək ki, Alexandro Balde "Barselona"nın yetirməsidir. O, Kataloniya təmsilçisinin B komandasında çıxış edir.