Tokio-2020 Yay Olimpiya Oyunlarında Azərbaycanın 40 lisenziya üzrə 44 idmançı təmsil edir.
İyulun 24-dən bu günə kimi mübarizəyə qoşulan 21 idmançımızdan 17-si çıxışını medalsız başa vurub. Olimpiada ilə erkən vidalaşan idmançılarımız bunlardır:
Cüdo: Aişə Qurbanlı (48 kq.), Kəramət Hüseynov (60 kq.), Orxan Səfərov (66 kq.), Rüstəm Orucov (73 kq.), Murad Fətiyev (81 kq)
Güllə atıcılığı: Emin Cəfərov
Boks: Tayfur Əliyev (57 kq.), Lorenzo Sotomayor (69 kq.)
Qılıncoynatma: Anna Başta
Veleyorüş: Elçin Əsədov
Üzgüçülük: Maksim Şemberev və Məryəm Şeyxəlizadəngah
İdman gimnastikası: İvan Tixonov və Marina Nekrasova
Taekvandoçu: Fəridə Əzizova və Milad Beiqi Xerçaqani
Triatlon: Rostivlas Pevstsov.
Mübarizəyə qoşulan digər idmançılarımızdan boksçular Cavid Çələbiyev (63 kq.) və Məhəmməd Abdullayev (+91 kq.) 1/16 finalda qələbə qazanaraq növbəti mərhələyə yüksəliblər. Güllə atıcısı Ruslan Lunyov isə ilk mərhələlərdə uğursuz çıxış edib, amma 25 metr məsafə yarışında da qüvvəsini sınayacaq. Badminton yarışındakı milliləşdirilmiş Edi Reski Dviçayo 23 yaşlı idmançı L qrupunun 2-ci turunda vyetnamlı Tyen Min Nquenlə qarşılaşıb və 2:0 hesablı qələbə qazanıb. O, qrupdakı sonuncu görüşünü iyulun 29-da danimarkalı Anders Antonsenə qarşı keçirəcək. Qrupu lider kimi tamamlayan badmintonçu 1/8 finala adlayacaq.