Tokio Yay Olimpiya Oyunlarında atletimiz Nazim Babayev mübarizəyə başlayıb.
O, üçtəkanla tullanma üzrə təsnifatda yarışıb. Nazim ilk cəhdində 16,38 m, ikincidə 16,30 m, üçüncüdə isə 16,72 m nəticə göstərib.
A qrupunda yer alan 23 yaşlı atlet 16 idmançı arasında 8-ci, ümumilikdə isə 32 idmançı arasında 15-ci yeri tutub və medalsız qalıb.
Finalda iki qrupun nəticəsinə əsasən ilk 12 pillənin sahibi iştirak edəcək.