Bu gün Konfrans Liqasında 3-cü təsnifat mərhələsinin cavab oyunlarına start verilib.
Millimizin futbolçusu Anatoli Nuriyevin də çıxış etdiyi "Kolos" evdə 0:0 hesablı heç-heçə etdiyi Karaqanda "Şaxtyor"u ilə Qazaxıstanda qarşılaşıb.
Tərəflər bu dəfədə qolsuz bərabərliyə razılaşıblar. Qalibin adına penalitlər seriyasında aydınlıq gəlib. Meydana 88-ci dəqiqədə daxil olan Nuriyev penaltini dəqiq yerinə yetirə bilməyib. Rəqib isə şanslarından istifadə edərək 3:1 hesabı ilə qalib gəlib və növbəti mərhələyə adlayıb.
Digər matçda "Domjale" (Sloveniya) "Rosenborq"a (Norveç) evdə 1:2 hesabı ilə uduzub. Komandalar arasında ilk oyun Norveç təmsilçisinin darmadağınla qələbəsi ilə başa çatıb (6:1). Nəticədə "Rosenborq" pley-off-a vəsiqə qazanıb.
Konfrans Liqası, 3-cü təsnifat mərhələsinin cavab oyunları
10 avqust
"Şaxtyor" (Qazaxıstan) - "Kolos" (Ukrayna) - 0:0 (Penaltilər seriyası - 3:1)
İlk oyun - 0:0
"Domjale" (Sloveniya) - "Rosenborq" (Norveç) - 1:2
Qollar: Podloqar, 34 - Holm, 48, Veççia. 86
İlk oyun - 1:6