“Qəbələ” İdman Klubunun prezidenti Rafael Ağayevlə görüşdü

16:00 13 Avqust 2021

“Qəbələ” İdman Klubunun prezidenti Fariz Nəcəfov karateçi Rafael Ağayevlə görüşüb.

Görüşdə Azərbaycan yığmasının və əyalət klubunun üzvü olan 5 qat dünya və 11 qat Avropa çempionunun Tokio-2020 Yay Olimpiya Oyunlarındakı çıxışı barədə fikir mübadiləsi aparılıb.

Klub prezidenti Yaponiyanın paytaxtında keçirilən yarışda 75 kq çəki dərəcəsində gümüş medal qazanan Ağayevin bu uğurunu yüksək qiymətləndirib. Nəcəfov karateçini həm bu mükafat, həm də Azərbaycan Respublikasının Prezidenti İlham Əliyev tərəfindən 2-ci dərəcəli “Vətənə xidmətə görə” ordeni ilə təltif olunması münasibətilə təbrik edib. Klub prezidenti dünya karatesinin əfsanəsinə gələcək yarışlarda da uğurlar arzulayıb.

​Karateçi “Qəbələ” İdman Klubuna göstərilən dəstək üçün təşəkkür edib. Ağayev bundan sonra da bütün yarışlara uğurlarını artırmaq və üçrəngli bayrağımızı daim zirvələrdə dalğalandırmaq üçün yollanacağını qeyd edib. 


Digər xəbərlər

Xəbər xətti