“Neftçi” bu gün avrokuboklarla vidalaşıb.
Mübarizəyə Çempionlar Liqasının 1-ci təsnifat mərhələsindən başlayan “ağ-qaralar” bu raundda Tbilisi “Dinamo”sunu hər iki oyunda 2:1 hesabı ilə qalib gəlməklə keçib.
2-ci təsnifat mərhələsində “Olimpiakos” (Yunanıstan) səddini adlaya bilməyən (0:1, 0:1) son Azərbaycan çempionu Avropa Liqasında yuvarlanıb. Bu turnirin 3-cü təsnifat mərhələsində paytaxt təmsilçisi Finlandiya HİK-i ilə qarşılaşıb. “Neftçi” ilk oyunda 2:2 hesablı heç-heçə etsə də, cavab görüşündə rəqibinə böyük hesabla uduzub – 0:3.
“Neftçi” bu oyundan sonra yoluna Konfrans Liqasında davam etməli olub. Lakin Samir Abasovun kollektivi bu yarışda da uğur qazana bilməyib. Pley-off mərhələsində “Makkabi”yə (Hayfa) rəqib olan “Neftçi” ilk matçda evdə 3:3 hesablı bərabərliyə razılaşıb. Lakin komanda bu gün səfərdə 0:4 hesabı ilə məğlub olub və avrokuboklarla vidalaşıb.
Beləliklə, “Neftçi” yoluna Azərbaycan Premyer Liqasında davam etməli olacaq. (Qol.az)