UEFA-nın rəsmi saytı Konfrans Liqasının H qrupununun “Qarabağ” – “Bazel” matçı haqda yazıb və ağdamlıların avrokubokların qrup mərhələsindəki ev oyunlarının statistikası barədə məlumat verib.
Sportarena.az xəbər verir ki, rəsmi qurum Ağdam təmsilçisinin qrup mərhələsindəki oyunlarından belə yazıb: "Qarabağ" bu mövsüm Bakıda keçirdiyi 3 avrokubok matçının heç birində qol buraxmayıb. Amma qrup mərhələsində 13 matçdır ki, komanda qələbə qazana bilmir. Bu 13 oyundan 9-da "Qarabağ" uduzub.
Ötən mövsüm isə komanda qrup oyunlarını İstanbulda keçirib. "Qarabağ"ın qrupdakı son qələbəsi, 2016/2017 mövsümündə Avropa Liqasının qrup oyununa təsadüf edir. Həmin vaxtı ağdamlılar PAOK-a(2:0) qalib gəlib".
"Qarabağ" – "Bazel" matçı sentyabrın 16-da Bakı Olimpiya Stadionun saat 20-45-də başlayacaq.