Azərbaycanlı hakimlər Avropa çempionatının seçmə oyunlarına təyinat aldılar

Sportarena.az      28 Sentyabr 2021 , 15:35

FIFA referisi Elçin Məsiyev beynəlxalq oyunlara təyinat alıb.

 

Sportalrena.az xəbər verir ki, o, 17 yaşadək futbolçulardan ibarət yığmalar arasında AÇ-2022-nin seçmə mərhələ oyunlarında iş başında olacaq.

 

Məsiyev 7-ci qrupun oyunlarına təyinat alıb. Azərbaycanlı referi əvvəlcə oktyabrın 7-də keçiriləcək Finlandiya – İsveçrə qarşılaşmasını idarə edəcək. Onun köməkçilərindən biri azərbaycanlı yan xətt hakimi Elşad Abdullayev olacaq. Digər yan xətt hakimi və dördüncü hakim isə Avstriyadandır.

 

Azərbaycanlı hakimlər oktyabrın 10-da bu qrup çərçivəsində baş tutacaq Bosniya və Herseqovina – Finlandiya matçına da təyinat alıblar. Elşad Abdullayev yenə yan xətt hakimi olacaqsa, Elçin Məsiyev dördüncü hakim funksiyasını yerinə yetirəcək.

 

Oktyabrın 13-də keçiriləcək Cəbəllütariq – Finlandiya görüşünü də Elçin Məsiyev idarə edəcək. Ona bu dəfə maltalı hakimlər və Abdullayev yardım göstərəcək.

 

7-ci qrupun matçlarına Finlandiya ev sahibliyi edəcək.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin