Elxan Məmmədov “Turan Tovuz” Futbol Akademiyasına baş çəkib

Sportarena.az      29 Sentyabr 2021 , 00:18

AFFA-nın icraçı vitse-prezidenti Elxan Məmmədov bu gün Tovuz rayonuna gedib.

 

Sportarena.az xəbər verir ki, səfər çərçivəsində Elxan Məmmədov “Turan Tovuz” klubunun nəzdində fəaliyyət göstərən Futbol Akademiyasına baş çəkib, akademiyanın iş prinsipi, burada təşkil olunan məşqlər, yaradılan şəraitlə yerində tanış olub, hazırlıq keçən uşaqlara AFFA tərəfindən ayrılmış geyim dəstlərini təqdim edib.

 

Məlumat verilib ki, “Turan Tovuz” Futbol Akademiyasında bir neçə yaş qrupu üzrə uşaqlar üçün müntəzəm məşqlər təşkil olunur.

 

Tədbirdə AFFA-nın Kütləvi Futbol Departamentinin rəisi Fərrux İsmayılov, “Turan Tovuz” Futbol Klubunun İdarə Heyətinin sədri Oqtay Abdullayev, Qərb Regional Futbol Federasiyasının prezidenti Nadir Nəbiyev, “Turan Tovuz” Futbol Akademiyasının kordinatoru Adil Şükürov iştirak ediblər.

 

AFFA və klub rəsmiləri aşağı yaş qruplarından ibarət komandanın üzvləri ilə birgə futbol oynayıblar.

 

Xatırladaq ki, AFFA-nın İcraiyyə Komitəsinin 4 mart 2019-cu il tarixili iclasında Tovuz rayonunda, “Turan Tovuz” klubunun nəzdində Futbol Akademiyasının təsis edilməsi və inşa olunması barədə qərar qəbul olunub.

 

“Turan Tovuz” Futbol Akademiyası FIFA və UEFA-nın maliyyə dəstəyi ilə AFFA tərəfindən inşa edilib. Akademiyanın açılış mərasimi 2021-ci il yanvarın 16-da keçirilib.

 

“Turan Tovuz” Futbol Akademiyasının saxlanma xərclərinin qarşılanması məqsədilə AFFA tərəfindən FİFA-ya müraciət ünvanlanıb və beynəlxalq futbol qurumu müraciəti müsbət cavablandırıb. Qarşıdakı 3 il ərzində akademiya AFFA-nın vasitəçiliyi ilə FİFA-nın ayırdığı vəsait hesabına maliyyələşdiriləcək.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin