"Daha da inkişaf edə bilərik" - "Qəbələ"nin baş məşqçisi

Sportarena.az      4 Oktyabr 2021 , 01:12

Azərbaycan Premyer Liqasının VI turunun “Qarabağ” – “Qəbələ” oyunundan (2:0) sonra “qırmızı-qaralar”ın baş məşqçisi Elmar Baxşıyevin mətbuat konfransı keçirilib.

 

Sportarena.az xəbər verir ki, 41 yaşlı mütəxəssis oyunu şərh edib:

 

“Çempionatın liderinə qarşı oynayacağımızı bilirdik. “Qarabağ” oturuşmuş heyətə malikdir və hər bir komandaya qarşı dominant futbol nümayiş etdirir. Bizim də bu oyunla bağlı öz planımız var idi. Komanda verilən tapşırıqların öhdəsindən zaman-zaman gəlirdi. Futbolçuların çıxışından razı qaldım. İnanıram ki, get-gedə daha da inkişaf edə bilərik. Qaçırılan qol imkanına qırılma nöqtəsi deməzdim. “Qarabağ” çox şans vermir. Bunu dəyərləndirsəydik, rəqibi daha çox təzyiq altında saxlaya bilərdik. Qarşıdakı matçlarda belə şansları dəyərləndirə biləcəyimizə inanıram. Ehtiyat qüvvəmiz az olduğundan rotasiya etməkdə çətinlik çəkirik. Amma komanda meydanda mən istədiyimi verir. Futbolçuların oyundankənar vəziyyətə düşməsi normal haldır. “Qarabağ”ın müdafiəçilərinin ustalığı sayəsində onlar ofsayda düşürdü”. 

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin