"Qarabağ"ın rəqibində gərginlik: Futbolçular baş məşqçidən narazıdı

Sportarena.az      14 Oktyabr 2021 , 14:22

Avropa Konfrans Liqasının qrup mərhələsində "Qarabağ"ın rəqibi olan "Kayrat"ın futbolçuları baş məşqçi Kurban Berdıyevdən narazıdır.

 

Sportarena.az xəbər verir ki, bu barədə Rusiyanın championat.com saytı məlumat yayıb. Berdıyev komandaya öz müdafiə üslubunu aşılayır və beş müdafiəçi ilə oynayır. Bu, azarkeşləri hiddətləndirir. Fanatlar keçmiş baş məşqçi Aleksey Şpilevskinin geri qaytarılmasını tələb edirlər. Belaruslu mütəxəssislə nəticələr yaxşı olmasa da, o, hücum futbolu oynadırdı.

 

Lakin 69 yaşlı mütəxəssisin işindən yalnız azarkeşlər narazı deyil. Oyunçular Berdıyevdən daha çox şey gözləyirlər. Onlar baş məşqçinin müdafiə futbolu oynatmasını qəbul edə bilmirlər. Futbolçular hətta autsayderlərlə görüşlərdə də belə oyun üslubunun seçilməsindən narazı qalıblar.

 

"Kayrat" hazırda ölkə çempionatında 44 xalla 3-cü pillədə qərarlaşıb. "Sarı qaralar" lider "Astana"dan 9 xal geridədir.

 

Xatırladaq ki, "Qarabağ" Konfrans Liqasının qrup mərhələsində oktyabrın 21-i "Kayrat"ı qəbul edəcək.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin