Serbiyanın paytaxtı Belqradda keçirilən U-23 dünya çempionatında klassik güləş üzrə yarışa yekun vurulub.
Sportarena.az xəbər verir ki, mundialda 10 çəkidən cəmi 7-sində təmsil olunan millimiz 3 medal qazandı və 67 xalla komanda hesabında 6-cı yeri tutdu.
1 qızıl və 2 bürünc medal əldə edən yığmamız U-23 dünya çempionatları tarixində medalların əyarına görə ən yaxşı nəticəsinə imza atdı.
Xatırladaq ki, yunan-Roma güləşçilərimiz 2017-də 2 bürünc, 2018-də 2 gümüş və 1 bürünc, 2019-da isə 1 gümüş və 1 bürünc medal qazanıb.