"Barselona" yeni baş məşqçisi Xavinin təyinatını ictimaiyyətə təqdim edib.
Sportarena.az xəbər verir ki, 41 yaşlı mütəxəssislə 2024-cü ilin yayına kimi müqavilə imzalanıb.
Kataloniya təmsilçisinin yeni baş məşqçisi təyinatından sonra bu cür danışıb: "Barselona"da işləməyə hazır olduğumu hiss edirəm. Qayıdışım tez oldu. 3-4 günə həyatım dəyişdi.
Futbolçulara öz təcrübəmi aşılamağa çalışacam. Yenidən "Barselona"nın titullar qazanmasına və gözəl oyun göstərməsinə kömək olmağa çalışacam. Fanatlara göstərdiyi sevgilərə görə təşəkkür edirəm. Qələbələrlə onları sevindirəcəyimizə inanıram".