Millimizin futbolçusu Mahir Emrelinin çıxış etdiyi "Legiya" bu gün Avropa Liqasının qrup mərhələsinin 5-ci tur oyununu keçirib.
Varşava təmsilçisi "Lester"in qonağı olub. Matç meydan sahiblərinin 3:1 hesablı qələbəsi ilə başa çatıb. Mahir görüşdə meydana start heyətdə daxil olub. O, 26-cı dəqiqədə penaltini yerinə yetirə bilməsə də, komanda yoldaşı Filip Mladenoviç təkrar zərbə ilə "Legiya"nın yeganə qolunu vurub. Mahir 78-ci dəqiqədə əvəzlənib.
Qeyd edək ki, bu komandalar arasında Polşada oynanılan ilk görüşdə "Legiya" 1:0 hesabı ilə qalib gəlib. Yeganə qolu məhz millimizin üzvü vurub.
26 noyabr
00:00. "Lester" (İngiltərə) - "Legiya" (Polşa) - 3:1
Qollar: Daka, 11(1:0), Maddison, 21 (2:0), Madenoviç, 27 (2:1), Ndidi, 33 (3:1)
25 noyabr
"Spartak" (Rusiya) - "Napoli" (İtaliya) - 2:1
Qollar:Sobolev, 3-pen (1:0), 28 (2:0), Elmas, 64 (2:1)