Millimiz seçmə mərhələdə ilk qələbəsini qazandı

21:19 30 Noyabr 2021

Qadın futbolçulardan ibarət Azərbaycan milli komandası dünya çempionatının seçmə mərhələsində bu gün növbəti oyununu keçirib.

 

Sportarena.az xəbər verir ki, komandamız Bakıda Monteneqro yığması ilə qarşılaşıb.

 

“Dalğa Arena”da baş tutan qarşılaşmanı Albaniyadan olan hakimlər briqadası idarə edib. Oyun millimizin 1:0 hesablı qələbəsiylə başa çatıb. Bu, Azərbaycan yığmasının seçmə mərhələdəki ilk qələbəsidir.

 

Siyasət Əsgərovun rəhbərlik etdiyi kollektiv əvvəlki beş oyunun hamısından məğlub ayrılmışdı. Azərbaycan milli komandası Rusiyaya (səfərdə 0:2, evdə 0:4), Monteneqroya (0:2), Danimarkaya (0:8) və Maltaya (1:2) uduzmuşdu.


Digər xəbərlər

Xəbər xətti