"Atletiko" (Madrid) Çempionlar Liqasının püşkatmasının yenidən keçirilməsi üçün UEFA ilə danışıqlar aparır.
Sportarena.az xəbər verir ki, bu barədə jurnalist Aleks Şounun tivtter səhifəsində yazıb.
O, məsələ haqda bu cür yazıb: "Hazırda püşkatmanın təkrarlana biləcəyi ilə bağlı müzakirələr gedir. Bir saat ərzində qərar veriləcək".
Xatırladaq ki, püşkatma zamanı "Vilyarreal"ın mümkün rəqibləri sırasında "Mançester Yunayted" də olub.
Komandalar eyni qrupda oynadıqları üçün qaydalara əsasən onlar bu mərhələdə qarşılaşa bilməz.
Bundan əlavə, “Atletiko”ya rəqib müəyyən edilərkən təşkilatçılar “Mançester Yunayted”in topunu səbətə qoymağı unudub.