"Neftçi"nin yeni idman direktoru Zaur Əzizovun təqdimat mərasimi keçirilib.
Sportarena.az xəbər verir ki, "ağ-qaralar"ın prezidenti Kamran Quliyev tədbirdə çıxış edib. O, Zaur Əzizovun "Neftçi"nin ən böyük transferi olduğunu deyib:
"Bu il "Neftçi" üçün uğurlu keçib. Düzdü, avrokuboklar və yeni mövsümün ilk yarısı istədiyimiz kimi olmayıb. Buna baxmayaraq, 2021 ci ili biz öz aktivimiziə yaza bilərik. Ürəklə deyə bilərəm. Bu il klubumuzun 2 ən böyük komandası çempionluq titulunu qazanıb. Uzun müddətdən sonra həm əvəzedici həm də əsas komanda çempion olub. Bu, klubumuza yaraşan uğur və yerdi.
Yaxın gələcəkdə bizi böyük uğurlar gözləyir. Bu uğulrarın davamı üçün də hər sahədə, infrasturktur, idman, digər istiqamətlərdə olan insan resurlarımızı gücləndirməkdəyik. Bu, son bir ayın məsələsi deyil. Yay aylarından klubda bu məsələ qaldırılıb. Təbii ki, Müşahdə Şurasının üzvləri, klubdaxili aparatın rəhbərlərilə ilə bu məsələ müzakirə olunurdu. Belə qərara gəldik ki, vakant olan idman direktoru vəzifəsinə mütəxəssis təyin olunsun.
Bir neçə namizədlərdən bu gün bizimlə olan Zaur Əzizovu da seçdik. Onu bu vəzifəyə, məsuliyyətli işə layiq gördük. Onun namizədliyi müzakirə olunanda səs çoxluğu ilə yox, hamının fikri ilə qəbul olundu. Zaur Əzizovun uzun müddətdir ki, klub futbolumuzda uğur qazanmasına görə onun namizədliyi birmənalı təsdiq olundu və bugün “Neftçi” ailəsinin bir üzvü oldu.
İlk növbədə hamımız peşəkarıq. Mən də “Sumqayıt”da işləmişəm. Mənim üçün şərəf idi. O cümlədən Zaur Əzizov həm “Xəzər Lənkəran”, həm “Qəbələ”də öz işi ilə demək olar ki, tarixə düşüb, çempionluq yaşayıb. “Qəbələ” ilə 2 dəfə avrokuboklarda qrup mərhələsində oynayıb, ölkə kubokunun sahibi olub. “Neftçi”yə bu ilin ən güclü transferini etdik. Növbəti transferlər 2022-ci ildə olacaq. O transferlərə də məsul şəxs Zaur müəllimdi. 2021-ci ilin ən böyük uğuru çempionluqdusa, ən böyük transfer Zaur Əzizovdu.
Sosial şəbəkədə jurnalistlərin, azarkeşlərin rəyini gördüm. 90 faiz rəylər müsbətdi. 10 faiz isə Zaur müəllimi tanımayanların rəyidi. Zaur Əzizova işində uğurlar arzu edirik. Demək ki, ona uğur arzu edəndə hamımıza uğur arzu edirəm. Neftçi ailəsi Zaur Əzizovun qismində güclü kadr qazanıb. Allah köməyiniz olsun".