"Qarabağ" Fransada koronavirusa görə problemlə üzləşməyəcək

Sportarena.az      29 Dekabr 2021 , 12:55

UEFA Konfrans Liqasının pley-off mərhələsində Fransa "Marsel"i ilə qarşılaşacaq "Qarabağ" səfər oyununda ciddi problemlə üzləşməyəcək.

Sportarena.az xəbər verir ki, klubun mətbuat xidmətinin rəhbəri Gündüz Abbaszadəninverdiyi məlumata görə, heyətdə yalnız bir futbolçu koronavirus əleyhinə peyvəndin hər iki dozasını qəbul etməyib.

Klub rəsmisi həmin oyunçunun adını açıqlamaq istəməsə də, ona ikinci dozanın yaxın zamanda vurulacağını bildirib: "Marsel"lə oyuna kimi vaxtımız var. Bu səbəbdən, problem olmayacaq".

"L Equipe" nəşri Marseldəki qarşılaşmada "Velodrom" stadionuna yalnız koronavirus əleyhinə peyvəndin hər iki dozasını qəbul etmiş futbolçuların buraxılacağını yazıb. İndiyədək mənfi test nəticəsi alternativ variant kimi qəbul olunurdusa, artıq buna icazə verilməyəcək.

Fransa prezidenti Emmanuel Makron vaksinasiyanın bütün peşəkar idmançılar üçün məcburi olacağını açıqlayıb. Yeni qayda 2022-ci il yanvarın 15-dən tətbiq olunmağa başlayacaq.

"Marsel - "Qarabağ" oyunu fevralın 17-də keçiriləcək. Cavab görüşü isə fevralın 24-də Bakıda təşkil ediləcək. (Report)

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin