Türkiyə Super Liqasının 22-ci turunun daha bir oyunu təxirə salınıb.
Sportarena.az xəbər verir ki, "Rizəspor" - "Antalyaspor" görüşü də əlverişsiz hava şəraiti səbəbindən yarımçıq dayandırılıb.
Buna səbəb isə güclü qar olub. 23-cü dəqiqədə güclənən qardan sonra görüşün baş hakimi matçın davam etməsinə icazə verməyib. Matçın sabah 17:00-da qaldığı dəqiqədən davam etdiriləcəyi ehtimal edilir.
Bir gün əvvəl “Qaziantep” - “Yeni Malatyaspor” matçı da qar səbəbindən yarıda qalmışdı. Matçın bir gün sonra davam etdirilməsi ehtimal edilsə də, güclü qar buna da imkan verməyib. Həmin oyunun nə zaman keçiriləcəyi dəqiq deyil.