Türkiyənin "Adana Dəmirspor" klubunda çıxış edən Mario Balotelli İtaliya millisinə qayıda bilər.
Sportarena.az xəbər verir ki, bu barədə İtaliya mətbuat məlumat yayıb. Xəbərdə yığmanın baş məşqçisi Roberto Mançininin 31 yaşlı hücumçunu növbəti toplanışa dəvət edəcəyi qeyd edilib.
Balotelli sonuncu dəfə 2018-ci ildə İtaliya millisinin Polşa ilə heç-heçə etdiyi qarşılaşamda yığmada oynayıb.
Qana əsilli hücumçu bu mövsüm keçirdiyi 20 oyunda 8 qol vurub, 4 məhsuldar ötürmə edib.