"Qarabağ"ın Konfrans Liqasının pley-off mərhələsində "Marsel"lə Fransada keçirəcəyi matç üçün bilet satışı davam edir.
Sportarena.az klubun saytına istinadən xəbər verir ki, qarşılaşmada anşlaq olacağı gözlənilir. Oyun üçün nəzərdə tutulan biletlərin əksəriyyəti satılıb.
15 avroya satışa çıxarılmış 5-ci kateqoriya biletlərin hamısı alınıb. Satışda yalnız 20 avro, 25 avro, 29 avro və 39 avroya olan biletlər qalıb.
Qeyd edək ki, fevralın 17-də oynanılacaq "Marsel" - "Qarabağ" qarşılaşması yerli vaxtla saat 21:00-da (Bakı vaxtı ilə 00:00-da) başlayacaq. Cavab matçı fevralın 24-ü Bakıda olacaq.