UEFA prezidenti Aleksander Çeferin Avropa Super Liqası ideyası haqda danışıb.
Sportarena.az xəbər verir ki, qitənin ali futbol qurumunun rəhbəri bu layihənin təşkilatçılarının paralel dünyada yaşadıqlarını bildirib:
"Əvvəlcə pandemiyanın ortasında Avropa Super Liqası dəliliyini başlatdılar. Daha sonra, yəni indi müharibənin içindəyik və yenə başlayıblar. Bu insanlar haqqında daha çox danışmaq məcburiyyətindəyəm? Görünən odur ki, paralel dünyada yaşayırlar".
Xatırladaq ki, 2021-ci ilin aprelin 18-də “Mançester Yunayted”, “Mançester Siti”, “Arsenal”, “Liverpul”, “Tottenhem”, “Çelsi”, “Real”, “Barselona”, “Atletiko”, “Yuventus”, “Milan” və “İnter” klubları Avropa Super Liqasını yaratdıqlarını açıqlayıblar. Lakin sonradan “Real”, “Barselona” və “Yuventus”dan başqa, digər klublar turnirdən imtina ediblər.