"Oyun barədə çox danışmayacağam, futbolçularımı təbrik edirəm".
Sportarena.az xəbər verir ki, bu sözləri "Qarabağ"ın baş məşqçisi Qurban Qurbanov Azərbaycan Premyer Liqasının 18-ci turunda bu gün evdə "Qəbələ"yə 5:1 hesabı ilə qalib gəldikləri oyundan sonra mətbuat konfransında deyib.
O, qələbəni qısaca şərh edib: "Rəqibə uğurlar arzulayıram, yaxşı komandadır. Möhtəşəm azarkeşlərimizə təşəkkür edirəm. Çoxdandır ki, bu arenada oynamırdıq. Hamı üçün xoş oyun oldu. Əsl, bol qollu futbol alındı. Hər iki komandaya uğurlar arzulayıram".