Azərbaycanın qadın futbolçulardan ibarət U-17 millisi Avropa çempionatının seçmə mərhələsində son oyununa çıxıb.
Sportarena.az xəbər verir ki, B Liqasında yer alan yığma 3-cü qrupda Şotlandiya seçməsi ilə qarşılaşıb. Görüş rəqibin 6:0 hesablı qələbəsi ilə yekunlaşıb.
Komanda qrupdakı ilk iki oyunda Albaniyaya 0:1, Şimali Makedoniyaya isə 0:3 hesabı ilə uduzub.
Bununla da, Azərbaycan yığması seçmə mərhələni xalsız və qrup sonuncusu olaraq başa vurub. Nəticədə millimiz turnirlə vidalaşıb.